Tiria. Unu triballadore de una sotziedade telefonica, ch’est halau dae un’ishala
Che l’ant pihau in s’elisuccursu a s’Ispidale Brotzu de Hasteddu
Di: Carlo Crisponi
Unu dannu mannu, est sutzessu eris, in s’istradone provintziale de sa Fratzione de Tiria, in sos tretos dae Aristanis a Pràmmas.
Unu triballadores de 50 annos, dipendente de una sotziedade telefonica, ch’est halau dae un’ishala, fudi ahende unu triballu in d’unu palu de sas telecomunicatziones.
S’ommine at perdiu s’ecuilibriu, in paritzos l’ant derettu succursu e ant abisau sos carabineris e sos de su 118.
S’operaiu che l’at pihau s’elisuccursu a s’Ispidale Brotzu de Hasteddu in codice rubiu.
Su male assortau s’est istroppiau male, tenet paritzas fratturas.
In su lohu in uve est sutzessu su dannu, sunt interbennios sos ispetzialistas de su Spreal, sunt chrihande de humprender hommente s’operaiu che siat halau dae s’ishala.
Attività realizzata col contributo della Regione Sardegna - IMPRENTAS 2020-2021. LR 22/2018, art. 22